SHËNGJIN -- Agjensia Kombëtare e Bregdetit e mbështetur nga Forcat e Armatosura të drejtuara nga ministrja Mimi Kodheli janë angazhuar sot në pastrimin e bregdetit nga Shëngjini deri në Velipojë, në nisje të sezonit turistik në Shqipëri.<br /><br />Këtë aksion e ka ndjekur me vëmendje edhe Kryeministri, që shkruan në FB: "Nisi programi i posaçëm i sezonit të parë turistik pa plehra në plazhe, pas kaq vitesh banjo dielli mes plehrave.Forcë speciale në çdo plazh."<br /><br />Drejtori i Agjensisë, Auron Tare, deklaroi se aksioni për pastrimin e detit do vijojë gjatë gjithe sezonit! Në muajin qershor do të vendosen 11 fushëpushime të ushtrisë përgjatë gjithë vijës bregdetare me qëllim që aksioni të vazhdojë pa ndërprerje.<br /> <br />Ndërsa, Ministrja Kodheli ndodhet në terren për të drejtuar aksionin me 1380 forca dhe 79 mjete, duke nisur punën që aksionin nga plazhi i Velipojës, 160 forca të tjera me mjete kanë zbarkuar në Shëngjin, pasi e gjithe vija bregdetare, nga Rana e Hedhun deri në Tale do të pastrohet për të qënë ndryshe këtë sezon veror. <br />Krahas mbetjeve të ndryshme që gjenden në brezin e rërës, ushtria do të largojë edhe inertet e hedhura përgjatë bregdetit, që do t'i depozitojë në "landfillin" e Bushatit.<br /> <br />Përgjegjësi i zyrës për kompetencat vendore në Prefekturën e Lezhës, Pal Çoku, ka deklaruar se nuk mund të vijohet vetëm me aksione, ndaj duhet që njësitë e qeverisjes vendore të jenë më të përgjegjshme për pastrimin e territorit, duke shtuar se edhe mbështetja e institucioneve të tjera është gjithnjë e mirëpritur.<br /> <br />Pastrimi i plazheve në Lezhë vjen në një moment kur shqetësimi i vizitorëve lidhet pikërisht me papastërtitë që gjejnë gjatë kësaj periudhe, për të cilën është e nevojshme ndërhyrja e menjëhershme.<br /> <br />Krahas aksionit të ndërmarrë nga Forcat e Armatosura, pritet që edhe institucionet lokale dhe shkollat të ndërmarrin një tjetër gjatë javëve të ardhshme për pastrimin e bregdetit si në Shëngjin ashtu edhe në Tale.
