TIRANE - Kreu i Bashkisë Vlorë Shpëtim Gjika dhe pse fizikisht nuk ka qenë i pranishëm në seancën e sotme ndaj tij në Gjykatën e Tiranës, ku akuzohet për falsifikim të dokumentave, është interesuar hap pas hapi se si ka shkuar procesi ku kanë dëshmuar dy vartësit e tij në Bashki, Drejtoresha Juridike Anila Cukani si dhe Drejtori i Infrastrukturës Ardian Musta.<br /><br />Ndërsa në dëshminë e saj Drejtoresha Juridike deklaroi se lejet për të cilat heton Prokuroria, kanë kaluar në mbledhjen e KRRT, si dhe vota e saj për to ka qenë pro.<br /><br />Teksa interesimi i kreut të bashkisë nuk ka munguar, A1REPORT ka mundur të sigurojë pamjet e komunikimit të zotit Gjika me vartësen e tij, drejtoreshën juridike në bashki Anila Cukani.<br /><br />Siç e shihni nga pamjet është z.Gjika i cili me anë të nr të tij 068 20 00 510 i shkruan juristes: <br /><br />Hë, Si vajte?<br /><br />Cukani përgjigjet<br /><br />Pyetje-përgjigjet si në prokurori.<br /><br />E teksa i referohet prokurorëve, Cukani shkruan<br /><br />Normal Nuk u hapën më tej.<br /><br />Teksa z.Gjika pas dëshmisë që Cukani bëri sot para gjykatës, i shkruan vartes së tij<br /><br />Ja e hoqe qafe<br /><br />Ndërsa me buzqeshje Cukani përgjigjet, Po ty s'po të heq! Qafe :) <br /><br />Më tej z.Gjika interesohet nëse ajo është pyetur nga avokatët mrbojtës duke shkruar: Po avokatët të pyetën?<br /><br />Cukani përgjigjet<br /><br />Av.Jo.<br /><br />Më tej Cukani, mbyll komunikimin me eprorin e saj duke i shkruar se tani është Musta, duke ju referuar drejtorit të Infrastrukturës dhe Shërbimeve Publike në bashkinë Vlorë dhe ky anëtar i KRRT-së, i cili në dëshminë e tij deklaroi se lejet në hetim kanë kaluar në mbledhjen e Këshillit dhe ai ka votuar pro.
