Lezhë - Konfiskim malli, heqje e tabelave reklamuese dhe lirimi i të gjithë trotuareve në territorin e bashkisë së Lezhës, ka shoqëruar aksionin e policisë bashkiake.<br /><br />Trotuaret në akset kryesore dhe qëndra e qytetit janë çliruar të parat nga zaptimi që kishin bërë dyqanet, lokalet dhe tregtarët ambulant. Nuk kanë qenë të paktë subjektet që janë prekur nga ky aksion i policisë bashkiake, që në fakt vjen pas reagimit të qytetarëve.<br /><br />Ndonëse nuk paguanin asnjë taksë shtesë për zënien e hapsirave publike, bizneset në lezhë nuk i kishin kursyer trotuaret për të reklamuar mallin e tyre, ndërsa po kaq te shumta kanë qënë edhe tabelat reklamuese që ishin vënë pa lejen e Bashkisë.<br /><br />Një masë e tillë vjen në një kohë kur ka filluar të frekuentohet ndjeshëm shëtitja e qytetarëve në orët e mbrëmjes, por që janë përballur pikërisht me këto pengesa. Bulevardi "Gjergj Fishta" ka qënë epiqendra kryesore.<br /><br />Policia Bashkiake veproi në mënyrë të organizuar dhe pa shmangur asnjë subjekt. Burime nga Bashkia e Lezhës kanë bërë të ditur se aksioni nuk është i rastësishëm dhe as ditor, por do të vijojë në mënyrë koherente dhe pa asnjë tolerancë.<br /><br />Për shkak të hapsirave të vogla publike, çlirimi i trotuareve shihet si një zgjidhje kur pritet që fluksi i vizitorëve të vijë gjithnjë në rritje, dhe domosdoshmërisht është e nevojshme që tu krijohen atyre të gjitha lehtësitë për të kaluar sa më mirë në këtë qytet gjatë qëndrimit te tyre.<br /><br />Pas rrugëve kryesore, policia bashkiake pritet që të veprojë edhe në brendësi të lagjeve, por efikasiteti i tyre shihet me skepticizëm. E gjithë kjo për shkak se numri i efektivëve të policisë bashkiake është shumë i ulët për të përballuar një problematikë të madhe që ka Lezha. <br />Për më shumë klikoni në http://www.oranews.tv/
