TIRANË --Policia e kryeqytetit ka vënë në pranga deri në këto momente 5 persona, të cilët i ka kapur në flagrancë në tentativë për t'i shitur tritol grupeve kriminale në rrugën "Sadik Petrela" në Tiranë.<br /><br />Operacioni i policisë vjen pas një hetimi të gjerë, ndërsa ndërhyrja është realizuar në një moment shitblerjeje në këtë zonë ku paraprakisht mësohet se u sekuestruan rreth 10 kilogramë lënde eksplozive.<br /><br />Sasia e tritolit është kapur në dy vende të ndryshme, në afërsi me njëri-tjetrin në rrugën "Sadik Petrela", ndërsa operacioni vijon me kontrolle në banesat përreth kësaj zone, pasi të arrestuarit janë banorë të lagjes.<br /><br />Sipas informacioneve të deritanishme nga burime të policisë, priten arrestime të tjera, ndërsa kontrollet vijojnë për të zbuluar bazën e tritolit. Eksplozivi, gjithnje sipas te dhenave paraprake, ishte destinacion per grupe kriminale.<br /><br />MINISTRIA E BRENDSHME: GRUPI KRIMINAL, NËN MBIKQYRJE PREJ 6 MUAJSH<br /><br />Ministria e Punëve të Brendshme ka dhënë detaje për operacionin e sekuestrimit të tritolit.<br /> <br />Sipas ministrisë, operacioni ishte i koordinuar me strukturat e Antiterrorit dhe Policisë së Tiranës.<br /> <br />Grupi kriminal ishte nën mbikqyrje prej 6 muajsh. Është sekuestruar një sai e konsiderueshme C4, denatorë dhe pajisje të tjera që shërbenin për minat me telekomandë.<br /> <br />Operacioni është nën hetim nga Policia dhe detajet e tij do jepen në përfundim.
