Lëkundjet sizmike me epiqendër Cërrikun dhe me magnitud 5.2 ballë, kanë krijuar mjaft dëme materiale në pallatet dhe banesat e këtij qyteti. Shtabi emergjencave pasi ka kryer verifikimet ka konkluduar se infrastruktura e 9 banesave paraqet rrezik për jetën e banorëve ndaj ata dhe nuk mund të strehohen më në to.<br /><br />Kreu i Bashkisë së Cërrikut, Servet Disha, thotë se institucioni që ai drejton nuk është në kushte për ti dhënë familjeve ndihmë të përhershme, pasi është e pamundur për shkak të fondeve. Ai shtoi se familjet që kërkuan ndihmë pranë bashkisë janë strehuar pranë konviktit të shkollës së mesme "Mihal Shahini".<br /><br />"Bashkia është në pamundësi për të bërë sistemimin e mëtejshëm të tyre, kështu që kërkojmë një bashkëpunim me shtabin e emergjencave të lidhur nga Prefekti apo Drejtoria e Ministrisë së Rendit apo edhe ndihma të tjera që dihet t'i vijnë bashkisë për të përballuar këtë situatë", u shpreh Disha.<br /><br />Nga 9 familje të dala nga banesat e tyre, 4 janë strehuar në konvikt, ndërsa 5 familje kanë preferuar të qëndrojnë tek të afërmit e tyre.<br /><br />"Neve na ra shtëpia nga tërmeti dhe na dëmtoj çdo gjë nga tërmeti. Jemi dy familje, s'jemi ,jemi shumë të varfër, deri tani nuk e di, s'di fare.<br /><br />Kemi pësuar shumë dëme, janë dy dhoma të çara komplet, janë tavanët po ashtu, janë me çimento,një mur dhe një dhomë kanë rënë, vetëm një murë i mban, nga momenti në moment po të bjerë një tërmet na zë brenda, kam hallin e fëmijëve, asgjë tjetër", shprehen banorët.<br /><br />Pallati 13, ka pasur dëme në katin e 3-të të tij, ndërsa në pallatin 86, kanë qenë në katin e 2 -të tij dhe në rast se do të ketë një tjetër lëkundje, ky pallat do të shembet.<br />Për më shumë klikoni në http://www.oranews.tv/
