Motivi për vrasjen e mbrëmshme në Gjorçe Petrov ka qenë zënka banale pas tentimit për vjedhje të biçikletës, pronë e viktimës Angel P. nga Shkupi. Pasi viktima e ka vërejtur hajnin, bashkë me të atin janë vënë në ndjekje me veturë. Policia e ka arrestuar të dyshuarin në afërsi të urës që shpie në Saraj. <br /><br />'Kemi dalë në vendngjarje dhe kemi filluar ndjekje ndaj të dyshuarit, dhe i njëjti është gjetur në afërsi të spitalit, dhe është privuar nga liria', deklaroi Gordana Jankullovska, Ministre e Brendshme.<br /><br />Vrasja nxiti protesta të banorëve lokal të Gjorçe Petrovit, që eskaluan në orët e mbrëmjes, duke lënë të demoluar dhjetëra lokale dhe vetura. Policia ka identifikuar 18 persona për prishjen e rendit dhe qetësisë publike, të cilët pas dënimeve me gjobë kundërvajtëse, janë lënë të lirë.<br /><br />'Pas kryerjes së veprës penale, në afërsi të vendit të krimit dhe në disa lokacione në Gjorçe Petrov u grumbulluan grupe më të mëdha qytetarësh, që demonstronin revolt dhe pakënaqësi. Një pjesë e tyre gjatë mbrëmjes filluan edhe prishjen e rendit dhe qetësisë publike, me çka u dëmtuan edhe disa vetura dhe objekte. Me intervenim policor janë ndaluar 18 persona, prej të cilëve 5 të mitur', u shpreh Gordana Jankullovska, Ministre e Brendshme.<br /><br />Megjithatë kryerësit e veprave penale, të cilët kanë djegur dhe demoluar pronat private, ende nuk janë identifikuar. Policia thotë se po punon në zbardhjen e rastit.<br /><br />'SPB Shkup vazhdon me masa intensive në drejtim të identifikimit të personave të tjerë, dhe kompletimit të provave materiale për veprime të kundërligjshme dhe dëshmimin e padisë penale sipas nenit 385, pjesëmarrje në turmë që kryen vepër penale', tha Gordana Jankullovska, Ministre e Brendshme.<br /><br />MPB-ja sqaroi gjithashtu se nuk është përdorur asnjë lloj force mbi pjesëmarrësit në protestat vandale mbrëmjen e kaluar. Policia nuk ka të dhëna për numrin e objekteve të shkatërruara, dhe sa mund të jetë dëmi eventual. Benjamin Arifi
