TIRANË - Shumëkush nga brezi i para viteve '90 kujton një alarm që asokohe njoftonte për rreziqet që i kanoseshin popullatës kryesisht nga ndonjë pushtim i mundshëm apo rreziqe natyrore.<br /><br />Ishte sistemi i sirenave vendosur mbi pallate apo në qëndër të lagjeve, që ka shërbyer prej kohësh për të njoftuar qytetarët nga rreziqet, më së shumti dhe ato natyrore. <br /><br />Rastet e fundit të tërmeteve në disa qytete shqiptare nxorën në pah se banorët, mënyrën e vetme të komunikimit apo të njoftimit për të dalë jashtë banesave, patën telefonin,pasi askund një sirenë e tillë nuk u dëgjua.<br /><br />Teksa sistemi i alarmit për emergjencat civile ligjërisht është detyrë e prefekturave, "A1Report!" ka mundur të zbulojë se ky sistem për të njoftuar qytetarët në rast rreziku, është jashtë funksionit.<br /><br />Jashtë funksionit ky sistem është në të gjithë Shqipërinë, fakt që pranohet dhe nga përfaqësues të emergjencave civile.<br /><br />E jo vetëm ky sistem, por u bë vite që në Shqipëri dhe kryesisht në zonat urbane, jashtë funksionit kanë dalë dhe vendstrehimet për raste emergjencash.
