SARANDË - Fëmijët jetim me një vendim të posaçëm të miratuar së fundmi kanë drejtë të qëndrojnë pranë shtëpisë së fëmijës deri në moshën 18 vjeç, nga 16 që ishte më parë.<br /> <br />Ky fakt është konfirmuar nga ministri i Mirëqenies Sociale, Erion Veliaj, i cili në kudër të ditës së jetimëve zhvilloi një vizitë në qendrën e fëmijëve jetimë në qytetin e Sarandës.<br /><br />Ndërkohë lidhur me ambientet e shtëpisë së fëmijës në Sarandë, të cilat prej vitesh kanë ardhur duke u reduktuar, teksa në të njëjtën godinë janë vendosur edhe drejtori e shërbimeve publike si dhe dy kopshte.<br /><br />Dita e Jetimeve ishte ndryshe këtë herë për fëmijët rezidentë të shtëpisë së fëmijës në Sarandë, teksa atmosfera e gëzueshme dhe dhuratat ishin kryefjalë e kësaj feste.<br /><br />Në shtëpinë e fëmijës në Sarandë janë rezidente 32 fëmijë, ndërsa 12 te tjerë janë vizitore ditorë në këtë qendër.
