DURRËS - Pasqyrimi i turizmit shqiptar është qëllimi i vizitës së 180 studentëve të Universitetit të Turizmit në Holandë, të cilët kanë mbërritur në Durrës, ndërsa rezultatet e inspektimit ata do t'i dorëzojnë pranë pedagogëve të tyre.<br /><br />Ata përveç studimit të turizmit bregdetar do të njihen nga afër edhe me atë malor, ku janë parashikuar udhëtime në kanionet e Osumit dhe vizita në Llogara dhe kepin e Rodonit.<br />Të rinjtë nga vendi i tulipanëve e kanë shfrytëzuar pasditen e djeshme me diell dhe pa u sistemuar ende mire në hotel kanë veshur kostumet e banjos dhe janë larë në plazhin e Durrësit.<br /><br />"Këtu kemi ardhur pak për t'u argëtuar dhe për të përfunduar një detyre kursi që kryefjale do ketë turizmin shqiptar.<br />Ndërkohë bukuritë që ne pikasëm këtu do t'i ndajmë edhe me komunitetin tonë. Durrësi është një qytet i bukur dhe një bregdet fantastik, ndërsa Shqipëria një vend më reliev të mrekullueshëm" --shprehen studentët holandez<br /><br />Mësohet se grupi prej 180 pjesëtaresh do të qëndrojë 5 ditë në vendin tonë.<br />Ndërkohë nuk kanë munguar edhe vërejtjet e studentëve holandezë lidhur me atë që ka ngjarë me plazhin e Durrësit, teksa kritikat e para kanë të bëjnë me ndërtimet masive në breg të detit.<br /><br />Studentët holandeze do të kenë pranë tyre, gjatë gjithë ditëve të qëndrimit në vendin tonë, edhe Agjencinë Kombëtare të Turizmit e cila do tu vëre ne dispozicion të dhëna për gjithçka që lidhet me turizmin shqiptar.
