SHKUP- Zgjidhja e çështjes së emrit do t'i hapte rrugë anëtarësimit të Maqedonisë në NATO, përndryshe kjo çështje mban peng integrimin europian të vendit. Gjatë takimit që Sekretari i Përgjithshëm i NATO-s Anders Fog Rasmussen, zhvilloi në Shkup, ishte i prerë lidhur me këtë çështje, duke shuar çdo shpresë për anëtarësimin e Maqedonisë në Aleancë në Samitin e shtatorit. Ai tha se vendimi i Bukureshtit i vitit 2008, pavarësisht rrethanave, është akoma në fuqi, dhe se ai reflekton qëndrimin e të gjitha shteteve anëtare.<br /> <br />Ndërkaq, sipas korrespondentes tonë në Maqedoni Zerijeta Jajaga, Rasmussen tha se Maqedonia do të marrë ftesë për anëtarësimin në NATO kur të gjendet një zgjidhje për çështjen e emrit, ndërsa ka shprehur bindjen se edhe Greqia do të jetë e gatshme për të bashkëpunuar në çështjen e zgjidhjes së emrit.<br /> <br />Më tej, Rasmussen bëri thirrje për lidership të guximshëm dhe vendosmëri.<br /> <br />Lidhur me këtë çështja ka folur edhe lideri i Bashkimit Demokratik, Ali Ahmeti, pak minuta pas takimit me Rasmussen.<br /> <br />"Ky ishte një takim shumë i rëndësishëm me sekretarin e përgjithshëm të NATO-s. Çështja kryesore e takimit ishte anëtarësimi i vendit tonë në NATO. Rasmusesn kërkoi të dijë se deri ku janë pozicionet midis Maqedonisë dhe Greqisë, në drejtim të arritjes së kompromisit, për një çështje që i hap rrugë anëtarësimit të Maqedonisë në NATO. Rasmussen kërkon angazhim shumë më të madh nga ne, në drejtim të zgjidhjes së këtij konteksti, dhe është i bindur se Maqedonia e ka vendin në NATO, por duhet të zgjidhet kjo çështje me fqinjin jugor. NATO kërkon që bisedimet me Greqinë të intensifikohen, dhe të zgjidhet kjo çështje.<br />Unë kërkova një angazhim më të madh të komunitetit ndërkombëtar që të ndihmojnë në afrimin e palëve dhe në gjetjen e një kompromisi të pranueshëm për ta", tha Ahmeti.<br /> <br />Vizita e Sekretarit të Përgjithshëm të NATO-së Andres Fog Rasmusen vjen në prag të samitit të Aleancës në Kardif në shtator, ku pritet që në agjendë të jetë edhe zgjerimi i saj.<br /><br />Ndërsa lidhur me situatën e krijuar në Maqedoni pas vrasjes së një të riu maqedonas nga një i ri shqiptar, nuk ka patur ndonjë qëndrim, duke shmangur deklaratat.
