GJIROKASTER - Ndryshimet e fundit në Shqipëri, kanë shtuar përpjekjet për një evropianizim më të përshpejtuar të Shqipërisë. Ka qenë kjo deklarata e bërë nga akademiku kosovar Rexhep Qosja, gjatë qëndrimit të tij në qytetin e Gjirokastrës.<br /><br />Sipas Qoses, në 8-9 muajt e qeverisjes së re, janë dhënë aq shumë mendime të reja, aq ide te reja jo vetëm për Shqipërinë, por dhe për Kosovën, sa nuk janë dhënë në gjithë këto vite.<br /><br />"Për këta 8-9 muaj të qeverisë së re, janë dhënë aq mendime të reja, aq ide të reja, jo vetëm për Shqipërinë, por edhe për Kosovën, për bashkëpunimin e tyre, për shqiptarët në përgjithësi, saqë aq mendime të reja, të rëndësishme, larghedhëse nuk janë dhënë për 23 vite." u shpreh akademiku Qosja<br /><br />Sipas Qoses ato që dëgjojmë në Kuvendin e Shqipërisë për inetgrimin, janë shumë premtuese për zhvillimet shqiptare.<br /><br />"Atë që dëgjuam në Kuvendin e Shqipërisë nga Kreu i qeverisë për integrimet shqiptare, për bashkëpunimet shqiptare në fushat e ekonomisë, kulturës, arsimit, shkencës, janë shumë premtuese për zhvillimet shqiptare në tërësi." tha Qosja<br /><br />Akademiku Kosovar ndodhet në qytetin e gurtë në aktivietet në kuadër të "Fest Argjiro 2014" eveniment i cili organizohet nga Bashkia e Gjirokastrës.
