KURBIN - Policia e Kurbinit vijon hetimet në lidhje me krimin e dyfishtë, i cili ndodhi dy ditë më parë në fshatin Fushë Kuqe të Kurbinit.<br /> <br />Burime nga grupi hetimor kanë bërë të ditur se deri më tani janë mbledhur shumë dëshmi dhe prova, por ende nuk janë zbardhur plotësisht shkaqet e vërtetë të ngjarjes.<br /> <br />Pista kryesore e hetimit të policisë është ajo e depresionit që mund të ketë patur 40-vjeçarja Desara Keqi, duke iu referuar edhe dëshmive të dhëna nga të afërm dhe fqinjët e familjes Keqi.<br /> <br />Në dëshmitë e dhëna para grupit hetimor ata kanë bërë të ditur se kohet e fundit 40-vjeçarja ishte shumë e mërzitur dhe fliste shumë pak.<br /> <br />Në këtë gjendje ajo kishte kaluar që prej largimit të djalit të saj 22-vjeçar që ka emigruar në Shtetet e Bashkuara të Amerikës para disa muajsh.<br /> <br />Duke ju referuar dëshmive të dhëna se ajo mund të ketë kaluar në depresion policia pritet që të kërkojë edhe ndihmen e psikologëve për ta vërtetuar një fakt të tillë; do të jenë këta të fundit që do të ndihmojnë grupin hetimor për të zbardhur edhe ngjarjen.<br /> <br />Nga hetimet e deritanishme është bërë e ditur se në momentin kur ka kryer krimin, ajo ka debatuar me vajzën, por pasi ka kaluar një gjendje depresive, duke mos patur vetëdije.<br /> <br />Pasi ka vrarë vajzën e saj Desarën, duket se 40-vjeçares i kishte ardhur vetëdija për atë çfarë kishte ndodhur ndaj ka qëlluar edhë veten.<br /> <br />Mister mbeten për grupin hetimor, arsyet e debatit mes nënës dhe së bijës, pasi u hodh poshtë variant se ajo nuk ka dashur që e bija të shkonte në eskursion. Ka qënë mësuesja e Desarës që ka deklaruar se nuk ka qenë planifikuar ndonjë eskursion për nxënësit.<br /> <br />Nga ana tjetër policia ka dyshime të forta se debati mund të ketë nisur nga letrat e "moltove" dhe çokollatave që janë gjetur në kasollen afër shtëpisë.<br /> <br />Grupi hetimor ka dyshime se nëna mund të ketë menduar se vajza e saj mund të ketë qenë më ndonjë person në kasolle por një fakt i tillë nuk është faktuar nga uniformat blu.<br /> <br />Prej dy ditësh, forca të shumta policie sëbashku me grupin hetimor ndodhen në zonën ku ndodhi ngjarja, duke tentuar të mbledhin prova dhe dëshmi të reja në lidhje me krimin e rëndë.<br /> <br />Nga ana tjetër është bërë e ditur se grupi hetimor pritet që të marrë në pyetje edhe shoqet e shkolles së Desarës, për të mësuar më tepër rreth ngjarjes së rëndë.
