TIRANE - Prokurori i Antimafias italiane në provincën e Leçes, Cataldo Motta, vlerëson se 44 miljet detare që ndajnë Vlorën me Leçen e bëjnë këtë krahinë portën hyrëse të marijuanës shqiptare për në Itali dhe vëndet e tjera të Bashkimit Europian. Motta ka vlerësuar bashkëpunimin me policinë shqiptare në sekuestrimet e kryera kohët e fundit të marijuanës në Itali, por gjithashtu ka pranuar se ka patur një rritje të sasisë që tentohet të trafikohet nga Shqipëria.<br /><br />"Dihet që në Shqipqëri ka kultivim të madh sasish lëndësh narkotike dhe që Shqipëria është një furnitor i madh i kësaj lënde. Dhe është një fakt i njohur që Vlora është nga Leçe 44 milje detare larg, dhe kështu që tregu i parë për shpërndarjen e marijuanës është Leçe Më shumë se sa sekuestrimi i lëndës narkotike është rritur sasia që ka hyrë në Itali. Një sasi e konsiderueshme bëhet npërmjet emigracionit të jashtëligjshëm, kështu që jo e gjithë sasia e lëndës narkotike është e destinuar të konsumohen aty, një sasi është e destinuar për vendet e Europës veriore", tha Motta.<br /> <br />Deklarata është bërë pas takimit rajonal të Prokurorisë së Përgjithshme me homologët e Ballkanit Perëndimorë, kërkoi mbështetjen e vendeve të Bashkimit Europian. Motta ka vlerësua deklaratën e ministrit të drejtësisë Nasip Naço për ndryshime për fuqizimin dhe një autonomi më të gjerë për zyrën e Prokurorit të Përgjithshëm, ndërsa i pyetur për rastet e trafikimit me avion, është shprehur se përveç rastit të Divjakës nuk ka patur asnjë rast apo informacion të tillë.
