VLORE - Linja e tragetit Vlorë - Brindizi prej katër ditësh ka dalë jashtë funksionit dhe nuk është rregjistruar asnjë udhëtim.<br /><br />Prej ditës së shtunë kur trageti ka vijuar intenerarin e tij nga Vlora drejt Brindizit, nuk është kthyer më në qytetin bregdetar.<br /><br />Kjo ka bërë që ata emigrantë nga jugu i vendit që zgjedhin portin e Vlorës për tu rikthyer në atdhe dhe për të kaluar pushimet, të gjejnë rrugë të tjera alternative.<br /><br />Mungesa e linjës së tragetit pritet të ketë një impkat edhe në uljen e numrit të turistëve nga vëndi fqinj që vendosin të kalojnë pushimet në bregdetin e Vlorës.<br /><br />Porti i Vlorës refuzon të japë një përgjigje për këtë situate, ndërsa puna në këtë port prej katër ditësh eshtë e bllokuar, sepse trageti shërbente edhe për lëvizjen e mallrave.<br /><br />Burime pranë portit detar të Vlorës bëjnë me dije se kjo situatë është përsëritur edhe herë të tjera, kryesisht gjatë sezoneve verore të viteve te kaluara.<br /><br />Situata bëhet edhe më problematike, se anija as nuk ka njoftuar remont pranë kapitenerisë.<br /><br />Linja Vlorë-Brindizi kryhet vetëm nga një agjensi, duke u kthyer në një monopol, ndërsa herë pas here ndodhin edhe të tilla situata duke penalizuar punën në këtë port.
