TIRANË - Ministri i Mirëqenies Sociale Veliaj dhe Zv.Presidentja e Bankës Botërore për Europën, Laura Tuck, kanë parë sot nga afër sistemin e ri dixhital të skemës së ndihmës ekonomike që në Tiranë po po përdoret për herë të parë në njësinë bashkiake nr.6.<br /><br />Projekti ka për qëllim hedhjen në sistemin elektronik të të gjithë të dhënave për përfituesit e ndihmës ekonomike, për të shmangur abuzimet. <br /><br />Projekti për modernizimin e ndihmës ekonomike ka nisur të zbatohet në qarkun e Tiranës, Durrësit dhe Elbasanit dhe gradualisht, në një fazë të dytë, do të shtrihet në gjithë vendin.<br /><br />Ministri i Mirëqënies Erjon Veliaj, lidhur me këtë projekt, tha:<br /><br />"Qershori është muaj shumë i rëndësishëm për ne sepse ndihma ekonomike, jo vetëm që do të shpërndahet me sistemin e ri elektronik që shmang burokracitë e abuzimet, por do t'i jepet vetëm grave, shoqëruar me bonus për fëmijët që shkojnë në shkollë dhe vaksinohen, ç'ka shmang kostot e varfërisë dhe sëmundjeve në të ardhmen".<br /><br />Sistemi dixhital i ndihmës ekonomike kushton 40 milionë dollarë dhe financohet nga Banka Botërore.<br /><br />Zv. Presidentja e Bankës Botërore, Tuck, tha se projekti synon përqëndrimin e fondeve tek ata njerëz që janë vërtet në nevojë.<br /><br />"Rezultatet janë të dukshme,"- thekso ajo, - "nga pikëpamja e efikasitetit dhe lehtësisë së përdorimit të kësaj skeme.<br /><br />Banka Botërore është e kënaqur që është partnere e qeverisë në përpjekjet e saj për uljen e varfërisë dhe për rritjen e të ardhurave të njerëzve që kanë nevojë për to."<br /><br />Në skemën e ndihmës ekonomike aktualisht janë 86 mijë familje në gjithë vendin dhe numri i përfituesve është ulur me 25 %, pasi sipas ministrit Veliaj, janë nxjerrë nga skema abuzuesit.
