TIRANE - Këshilli i Lartë i Drejtësisë kërkon përmirësim në procedurat për shqyrtimin e kërkesave për mbrojtjen nga dhuna në familje. "Përmirësimi i situatës kërkon ndërhyrje ligjore dhe administrative.<br /> <br />Po ashtu, është konkluduar se duhet të standardizohet praktika gjyqësore për masat e sigurimit ndaj të dyshuarve të veprës penale të mbajtjes pa leje të armëve luftarake"-thuhet në një raport të KLD-së i cili pason kontrollin e ushtruar në 28 gjykatat, Apeli në Tiranë, Durrës, Shkodër, Vlorë, Korçë dhe Gjirokastër, si dhe Gjykatat e Rretheve Gjyqësore Dibër, Krujë, Kurbin, Mat, Tiranë, Elbasan, Durrës, Kavajë, Lezhë, Kukës, Pukë, Shkodër, Tropojë, Berat, Fier, Lushnjë, Vlorë, Korçë, Pogradec, Gjirokastër, Sarandë dhe Përmet.<br /> <br />Përsa i përket armëmbajtjeve pa leje niveli i arsyetimit të vendimeve gjyqësore është një çështje shqetësuese. Në një numër relativisht të konsiderueshëm rastesh, gjykatat më të larta cënojnë vendimet për shkak të arsyetimit të varfër të tyre.<br /> <br />Tek niveli i arsyetimit duhet evidentuar praktika gjyqësore jo uniforme në dhënien e vendimeve, ku rrethana të njëjta vlerësohen ndryshe nga e njëjta gjykatë apo edhe nga i njëjti gjyqtar në raste të ngjashme<br /> <br />Periudha e zgjedhur për inspektim është një vit e gjysmë 01.01.2011 - 30.06.2012, e cila jep mundësinë për njohjen e situatës së veprimtarisë gjyqësore në një volum relativisht të lartë, si dhe për njohjen e ecurisë së vendimeve të dhëna gjer në Gjykatën e Lartë.<br /> <br />Në gjykata nuk ka një bazë solide të të dhënave mbi dhunën në familje, që vështirëson identifikimin e rasteve, monitorimin e tyre dhe analizën e të dhënave.<br /> <br />Në 183 raste nga 2689 që ishin objekt i inspektimit, janë konstatuar shkelje të afateve ligjore, të cilat zënë masën 6.8 % të volumit në shkallë vendi.
