KURBIN- Detaje të reja janë zbuluar nga policia për vrasjen e dyfishtë të ndodhur, 1 javë më parë në Fushë Kuqe të Kurbinit, ku nëna vrau vajzën e saj 15-vjeçe dhe më pas veten. Pas analizave të "ADN" të 15-vjeçares të bëra në Tiranë ka rezultuar se ajo nuk ka qenë me ndonjë person në momentin kur ka ndodhur ngjarja siç u deklarua fillimisht nga policia.<br /> <br />Analizat e kryera në Tiranë me kërkesë të familjarëve kanë rezultuar se vajza nuk ka patur marrëdhënie intime me asnjë person.<br /> <br />Është bërë e ditur gjithashtu se ditën kur ka ndodhur ngjarja, ka rezultuar se nënë e bijë kanë qenë me njëra-tjetrën gjatë gjithë kohës. Që në orën 9 të mëngjesit ata kanë shkuar bashkë për të dërguar bagëtitë në fushë, dhe më pas janë kthyer në një market afër shtëpisë për të blerë.<br /> <br />Krahas dëshmive të familjarëve dhe fqinjëve të familjes Keçi, policia ka sekuestruar edhe kamerat e sigurisë të marketit të cilat kanë faktuar se nënë e bijë kanë qenë bashkë duke blerë dhe më pas i janë drejtuar shtëpisë së tyre.<br /> <br />Gjithashtu është bërë e ditur se ngjarja ka ndodhur 50 metra larg kasolles, ku fillimisht u deklarua se vajza mund të ketë qenë më një person tjetër.<br /> <br />Duke ju referuar këtyre fakteve dhe provave të gjetura, policia e Kurbinit e ka hedhur poshtë faktin që vajza ka qenë më një person tjetër.<br /> <br />Nga ana tjetër është bërë e ditur se 15-vjeçarja ka munguar në shkollë ditën kur ndodhi ngjarja, pasi në drekë kishin planifikuar për të shkuar në festë bashkë me familjen tek një i afërm i tyre në Shkodër.<br /> <br />Mister mbeten ende motivet që e detyruan 40-vjeçaren Mimoza Keçi që të vrasë vajzën e saj 15-vjeçare dhe më pas veten.<br /> <br />Por nga deklarimet e familjarëve policia ka bërë të ditur se krimi mund të ketë ndodhur për shkak të depresionit që kë patur gruaja. Kohet e fundit Mimoza Keçi kishte shfaqur shenja mërzie për shkak të emigrimit të djalit të saj në SHBA.
