TIRANE - Dritan Dajti i akuzuari nga Krimet e Rënda për vrasjen e 4 policëve të operacioneve speciale, ka tentuar të godasë një gardian në ambjentet e paraburgimit të sigurisë së lartë numër 313.<br /><br />Ngjarja ka ndodhur mbrëmjen e të shtunës, ndërsa është bërë publike vetëm këtë paradite. <br /><br />Gardiani është sulmuar nga Dajti teksa kishte shkuar për të kryer një kontroll në qeli, ndërsa u desh ndërhyrja e gardianëve të tjerë për të vendosur në kontroll situatën. <br /><br />Ngjarja ndodhi në të njëjtën qeli ku Dajti të enjten në mbrëmje dogji batanijet. <br /><br />Dajti është kthyer në një precedent për drejtësinë shqiptare, e cila 5 vjet pas vrasjes së 4 oficerëve specialë gjatë operacionit për kapjen e tij, nuk po arrin dot të mbyllë procesin për gjykimin e tij.<br /><br />Në 12 maj Dajti kërcënoi kryetarin e trupës së krimeve të rënda që e gjykojnë Idriz Mulkurti dhe një javë më pas e shantazhoi sërish duke I treguar një foto të vajzës së gjyqtarit me kunatin e tij dhe aluduar lidyhje intime mes tyre. <br /><br />Aludimi është rrëzuar nga Gjykata e Krimeve të Rënda, ndërsa Dajti në një farë mënyre ka konfirmuar se ka dijeni dhe mund t'i afrohet kur të dojë gjyqtarit Mulkurti dhe familjes së tij. <br /><br />Për këtë ngjarje nuk ka ende asnjë reagimi nga institucionet e drejtësisë, ndërsa I vetmi vendim që e mban Dajtin në qeli është 17 vitet e dënimit për vrasjen e biznesmenit Agim Beqo.
