Qeveria shqiptare shumë shpejt pritet të nënshkruajë një marrëveshje me rrjetin botëror të kërkimit Google, i cili do të marrë përsipër shtrimin e autostradës dixhitale të sistemit tonë arsimor.<br />Lajmi u bë i ditur nga Kryeministri, Edi Rama, gjatë ceremonisë së nënshkrimit të marrëveshjes së unifikimit të kurrikulës së sistemit parauniversitar mes Shqipërisë dhe Kosovës.<br />Kryeministri shprehu bindjen se duke pasur një ndërtues kaq global, të famshëm e të sigurtë do të ecim më shpejt se sa e kishim parashikuar.<br />Ministrja e Arsimit dhe Sportit, Lindita Nikolla, e cilësoi marrëveshjen një ditë historike për dy vendet. Nikolla tha se kurrikula e re është hartuar sipas standardeve të BE dhe shumë shpejt do të çojë edhe në unifikim të teksteve shkollore.<br />Nikolla u shpreh se sistemi parauniveristar do të jëtë i njëjtë me të Kosovës, 5 +4+3, si dhe nxënësit dhe mësuesit nuk do të jënë më ngarkesën që kanë sot, por do të jënë më pak të ngarkuar por shumë të përgatitur për një tregun europian.<br />Ndërsa Ministri i Arsimit të Kosovës, Ramë Buja, tha se "ne po bëjmë hapin më serioz në fushën e dijes. Nuk ka më nëshkrime marrëveshjesh më kuptimplota sesa kjo e ditës së sotme".<br />Marrëveshja e unifikimit të kurrikulës së sistemit parauniversitar mes Kosovës dhe Shqipërisë vjen si rezultat i punës së përbashkët të grupeve profesionale të formuar nga dy Ministritë e Arsimit.<br />Kurrrikula e re mundëson lëvizshmërinë, çka bën që një nxënës i Shqipërisë mund ë lëvizë në Kosovë për tu arsimuar pa asnjë problem dhe e kundërta.<br />Kurrikula e ngjashme me atë të Bashkimit Europian, do të lançohet në shtator në 12 qarqe të Shqipërisë përfshirë, qytetet dhe fshatrat.<br />Për më shumë klikoni në http://www.oranews.tv/
