KRUJE - Një aksioni i Policisë së Krujës dhe Seksionit Kundër Kultivimit të Lëndëve Narkotike ka bërë të mundur ditën e sotme asgjësimin e 4000 rrënjëve kanabis sativa në fshatin Mukje të Krujës.<br /> <br />Operacioni policor i koduar "Mukje 2014", i shtrirë në kontrollin e territorit të komunës së Nikles ku gjatë kontrollit të ushtruar në fshatin Mukje janë konstatuar të mbjella në 30 parcela me rreth 4000 rrënjë kanabis sativa me gjatësi 40-90 centimetra, të cilat më pas janë asgjësuar.<br /> <br />Ndërkohë nuk dihen se kush janë autorët e mbjelljes së lëndës narkotike, ndërsa po punohet nga policia për zbulimin e dhe kapjen e tyre.<br /> <br />Aksioni i sotëm i policisë së Krujës është në kuadër të aksioneve të zhvilluara nga policia e shtetit në të gjithë territorin e vendit për parandalimin e kultivimit të lëndëve narkotike. Javën e kaluar aksioni i policisë në jug të vendit u ndesh me të shtëna armësh nga banorët në zonën e Kurveleshit.
