MIRDITE - Gjermania është fuqimisht e angazhuar që të investojë në Shqipëri në të gjitha fushat, kjo për t'i dhënë një zhvillim vendit tonë. Kështu është shprehur nga Mirdita, ambasadori gjerman në vendin tonë, Helmut Hofmann, i cili ishte i pranishëm së bashku me disa biznesmenë dhe një grup motoristësh, të cilët kanë sjellë në Mirditë 5 kamionë me ndihma për spitalin e Rrëshenit.<br /> <br />Ata janë pritur në një ceremoni madhështore të organizuar në sheshin kryesor të qytetit, ku kanë marrë pjesë autoritete vendore, si dhe dhjetëra qytetarë.<br /> <br />"Ju e dini që Gjermania është shumë e angazhuar në Shqipëri, teksa mund të them se është donatori më i madh bilateral. Ne jemi të angazhuar në projekte të fuqishme si ndërtime ujësjellësish, hidrocentralesh, dhe projektesh të tjera më rëndësi strategjike.<br /> <br />Këto iniciativa janë shumë të rëndësishme për të forcuar marrëdhëniet mes vendeve dhe mbi të gjitha për të shfrytëzuar çdo mundësi zhvillimi", tha ambasadori i Gjermanisë në vendin tonë Helmut Hofmann.<br /> <br />Nga ana tjetër kreu i bashkisë së Rrëshenit, Ndue Gega, ka falënderuar shoqatat gjermane për humanizmin e treguar duke ndihmuar Spitalin e Rrëshenit me bazë materiale.<br /><br />"Siç e shihni qyteti i Rrëshenit është rimbushur sot më shumë se kurrë ndonjëherë, jo vetëm me ndihmat bujare për shëndetin e popullit të kësaj krahine, jo vetëm me vizitorët e mahnitshëm nga disa qyteet të evropës mbledhur në rrjetin e motoristëve Eurobiger, por edhe me mesazhe të forta afrimiteti e bashkëpunimi në mes popujve tanë "- tha Ndue Gega.<br /> <br />Realizimi i kësaj veprimtarie, ka përcjellë mesazhe të rëndësishme të solidaritetit dhe të integrimit evropian të vendit tonë, ndërsa ky aktivitet ka shërbyer për të promovuar edhe turizmin malor në këtë zonë.<br /> <br />200 motoristët gjermanë kanë vizituar edhe disa zona të Mirditës, duke eksploruar bukuritë e shumta të kësaj zone.
