Tiranë- Në një ditë që për shqiptarët kishte nota optimizmi prej statusit të lëshuar nga KE, ambasadori italian në Tiranë Masimo Gaiani, ka ndarë emocionet në studiot e RTV Ora News.<br />Diplomati italian është pritur nga presidenti i RTV Ora News, Ylli Ndroqi, duke e shoqëruar mikun italian në ambientet plot surpriza të këndshme të televizionit.<br /><br />Më pas edhe një bisedë e sinqertë me stafin drejtues ku konsideratat dhe vlerësimet kanë qënë reciproke.<br /><br />"Ju jemi mirënjohës për të gjithë bashkëpunimin që keni bërë, shpresoj gjithmonë se do jemi në bashkëpinim të mirë mes të dy vendeve"-u shpreh presidenti i RTV "Ora News", Ylli Ndroqi.<br /><br />E menjëherë në studio ku pyetja e parë merr përgjigjen italiane për statusin.<br /><br />"Është një raport pozitiv që i referohet një pune të mirë të bërë nga qeveria në këto muajt e parë, dhe që rekomandon pa asnjë kusht dhënien statusit kandidat. Kur i kërkohet një vendi që të kryejë disa hapa dhe disa përpjekje, dhe kur këto përpjekje kryhen, atëherë është e drejtë që këto përpjekje të kenë edhe një mirënjohje. Nëse Bashkimi Europian i kërkon diçka Shqipërisë, është e drejtë më tej që Europa ti mbetet besnike edhe detyrimeve të saj"- tha Gaiani.<br /><br />Italia do jetë presidentja e rradhës e BE me shpresën që statusi të jetë në këtë 6 mujor.<br /><br />"Italia dëshiron një BE më të bashkuar, më i hapur kundrejt kërkesave të të rinjëve, punësimit, të rritjes ekonomike dhe në këtë vizion përmban një rëndësi të veçantë edhe kryerja e reformave dhe e hapave nga ana e vendeve të cilat mendojnë që të integrohen në BE"- u shpreh Gaiani.<br /><br />Po çfarë pret diplomati Gaiani me 23 qershor për Shqipërinë?<br /><br />"Europa duhet të njohë, të japë statusin e vendit kandidat , dhe kjo nuk është vetëm në interes të Shqipërisë , por edhe në interes të Europës, dhe sigurisht në interes të gjithë rajonit të Ballkanit"-tha ambasadori italian.<br /><br />Ambasadori Gaiani me shijën e investimeve moderne në RTV Ora News largohet nga ambientet surprizuese që herën tjetër të kthehet duke folur për Shqipërinë më afër Italisë së pari dhe Brukselit si simboli gjeografik i BE.<br />Për më shumë klikoni në http://www.oranews.tv/
