FUSHE-KRUJE- Një minë antitank e telekomanduar është gjetur në orët e para të mëngjesit të sotëm në derën e një magazine për riparimin e biçikletave në Fushë-Krujë.<br /> <br />Mina telekomanduar, fotot e së cilës ka siguruar "A1 Report" ishte vendosur poshtë qepenit të magazinën në pronësi të shtetasit Bashkim Metashi.<br /> <br />Ky i fundit kur është paraqitur pranë ambienteve të punës është përballur me surprizën e pakëndshme, teksa ka njoftuar menjëherë uniformat blu.<br /> <br />Forca të shumta policie kanë rrethuar zonën, ndërsa forcat xheniere të mbërritura nga Tirana kanë marrë nën kontroll situatën.<br /> <br />Punonjësit e forcave xheniere kanë shkaktuar shpërthimin e komanduar të minës, duke neutralizuar fuqinë e saj.<br /> <br />Ngjarja ka tërhequr vëmendjen e qytetarëve të shumtë të Fushë-Krujës, për të cilët shpërthimet e telekomanduara prej kohësh janë kthyer në një makth.
