Një 33-vjeçar humbi jetën pasi automjeti me të cilin ai udhëtonte humbi kotrollin dhe u përplas me murin rrethues të një lokali. Aksidenti tragjik ndodhi në afërsi të portit në Shëngjin, ndërsa viktimë ka mbetur shtetasi Fred Kaçorri.<br />Policia bëri të ditur se ai ka qenë duke lëvizur me automjetin e tij tip "Fiat" ku nga shpejtësia e madhe ka humbur kontrollin dhe është përplasur me muret rrethues të lokalit.<br />Përplasja ka qenë e fortë, duke i shkaktuar vdekjen e menjëhershme 33-vjeçarit, ndërsa motorri i mjetit është shkëputur dhe është gjetur 50 metra larg vendit ku ndodhi aksidenti.<br />Trupi i pajetë i Kaçorrit ka qëndruar për rreth 1 orë në automjet, për shkak të dëmtimeve që kishte marrë makina.<br />Është dashur ndërhyrja e zjarrfikësve për të prerë disa pjesë të mjetit dhe për të bërë të mundur nxjerrien e trupit të viktimës.<br />Ai është marrë nga një autoambulancë dhe është dërguar në morgun e spitalit të Lezhës, ku do ti nështrohet mjekësisë ligjore.<br />Policia e Lezhës bëri të ditur se nga hetimet e para ka rezultuar se shkak për aksidentin është bërë lëvizja tej normave të lejuara e 33-vjeçarit, duke shkaktuar humbjen e kontrollit të mjetit nga ana e tij.<br />Fred Kaçorri ishte kthyer vetëm një vit më parë nga emigracioni në Itali dhe kishte hapur një biznes të vogël në Shëngjin.Ai ishte i martuar dhe babai i dy fëmijëve të mitur.<br />Për më shumë klikoni në http://www.oranews.tv/
