Tirane- Strasburgu ka ngrirë për një 1 vit të gjitha dosjet e pronave shqiptare që kanë pushtuar Gjykatën Europiane për të Drejtat e Njeriut.<br />Vendimi i publikuar u përshëndet menjëherë në rrjetet sociale nga kryeministri Rama.<br />"E shpetuam vendin nga gropa që na la papërgjegjshmëria e paraardhësve." Shkruajti Rama.<br />Ndërsa zv/ministri i Drejtësisë Idlir Peçi pritet të dalë në një konferencë për shtyp për të dhënë detaje në lidhje me këtë vendim.<br />Vendimi do të marrë formën përfundimtare me 17 qershor por Këshilli i Europës e ka përcaktuar verdiktin në mbledhjen e ministrave të vendeve anëtare reflektuar në një deklaratë finale.<br />"Përshëndesim miratimin zyrtar të planit të veprimit për krijimin e një mekanizmi efektiv të kompensimit, duke e bërë planin e veprimit të detyrueshme për shtetin shqiptar, dhe vëmë në dukje me kënaqësi se masat e parapara janë duke u miratuar në përputhje me dispozitat.<br />Në kuadrin e afatit të përgjithshëm të paraparë për zbatimin e këtij mekanizmi, inkurajuar fuqimisht autoritetet të intensifikojnë përpjekjet e tyre me qëllim të reduktimin këtë kornizë kohore sa më shumë të jetë e mundur"<br />Me këtë vendim qeveria shqiptare ka kohë deri në vitin 2015 që të identifikojë të gjithë problematikat me pronat dhe të synojë zgjidhje pa ndërhyrjen e gjykatës së Strasburgut.<br />Ky është lajm i mirë për të gjithë ata ish-pronarë që në 23 vjet janë endur në gjykata. Nëse ky vendin do adoptohet dhe nga gjykata, do shohin një dritë jeshile për zgjidhjen e çështjeve të saj. Shpresojmë të vendoset kjo gjë"<br />Pas një viti nëse qeveria do arrijë të zbatojë planin për pronat atëherë në fund të vitit 2015 do të krijohen kushtet e duhura për të bërë një kthim real të tokave të ish-pronarëve që qëndrojnë prej vitesh në dyert e drejtësisë për të marrë atë që u takon.<br /><br />oranews online
