Panelet diellore janë një investim i leverdishëm thonë qytetarët, të cilët presin që të joshen nga loja shpërblyese të Ministrisë së Ekonomisë për kthimin e një pjesë të parave për panelet diellore të instaluara. Një pjesë e të pranishmëve, kursimin e parave në rrymë, e kanë ndjerë menjëherë.<br /><br />"Ne kemi bërë kërkesë, por nëse do të kemi fat do të shohim. Fatura për rrymën na është zvogëluar. Bojlerin i cili më parë punonte pa ndërprerë, tani nuk e fikim. Vetëm nga dielli nxehet uji".<br /><br />"Tani në maj e instalova, ujë të nxehtë kemi tërë kohën".<br /><br />"Ka kursime, por kështu nuk është e drejtë. Duhej që të gjithë të na jepej në mënyrë lineare, të gjithëve t'iu jepet e njëjta shumë. Kështu dikush ka dhënë 60 mijë denarë, dikush 11 mijë, disi nuk ka kuptim për mua. Më mirë është që të gjithëve nga 50 euro të na jepej dhe puna u krye".<br /><br />"E kam instaluar që nga prilli. E mat sahatin, në krahasim me vitin e kaluar, dhe për 500 denarë. fatura e energjisë elektrike është më e ulët. Sinqerisht, është një mirëqenie, çdo kohë keni ujë të ngrohtë. Këtë mëngjes kur u zgjova kisha 80 gradë ujë të nxehtë në bojler, pa shpenzuar rrymë. Me këtë ritëm për katër apo pesë vjet, do ti kthejmë paratë e investuara".<br /><br />Edhe analizat e shtetit tregojnë se nëse montoni panelin diellor, në vit mund të shpenzon gjysmë page mesatare në Maqedoni.<br /><br />"Analizat treguan se një familje që e ka të instaluar panelin diellor mund të kursejë në nivel vjetor rreth 2 400 kilovatë-orë energji elektrike. E shndërruar në të holla, bëhet fjalë për 13 mijë denarë në vit. Gjithsesi, ky është një investim që nuk duhet të lihet pas dore", deklaroi Udhëheqës i sektorit të Energjetikës.<br /><br />Gjithsej 2 450 kërkesa kanë arritur deri tani, në Ministrinë e Ekonomisë për subvencione për instalimin e paneleve diellore. Të zgjedhurit do të subvencionohen me 30 % të shpenzimeve të bëra, por jo më shumë se 300 euro. Për këtë qëllim janë siguruar 6 milionë denarë. Sipas praktikës së deritashme, me siguri rreth 606 familje sot do të përfshihen në programin e qeverisë. Deri tani shteti ka ndarë 2415 subvencione për panele diellore, me një shumë të përgjithshme prej rreth 40 milionë denarë. Verica Pavlloska
