Ndërsa ju deshën gati 7 orë për të përfunduar maratonën "Rock&Roll" në San Diego, 91-vjeçarja, Harriette Thompson jo vetëm ishte gruaja më e moshuar që vrapoi në këtë garë, por mediat raportuan se ajo ka thyer edhe rekordin në grupin e amerikanëve të moshës së saj.<br /> <br />Thomson tha se ajo ka nisur të vrapojë në maratona që prej vitit 1991, kur ishte ftuar t'i bashkohej një fushate për të mbledhur para në luftën kundër kancerave vdekjeprurës.<br /> <br />"Nisa të vrapoj sepse kisha të njohur të cilët vuanin nga Leucemia dhe një prej miqve të mi po mblidhte para në maratonën që do të zhvillohej për Shoqërinë e Leucemisë & Limfomës, aty vendosa që dhe unë mund ta bëja një gjë të tillë. U regjistrova dhe kështu vrapova në maratonën time të parë" rrëfen e moshuara Thompson.<br /> <br />Ajo vazhdon ende të jetë pjesë e asaj fushate në të cilën u regjistrua 15 vite më parë, dhe aktualisht po përpiqet të mbledhë fonde për të nëpërmjet website-it "Leukemia & Lymphoma Society" në internet.<br /> <br />Në një moment gjatë garës ajo tregon se mendoi se s'do t'ia dilte dot mbanë deri në vijën e finishit, por kishte tjetër mendim pasi përfundoi maratonën prej 42 kilometrash.<br /> <br />"Ishte shumë gallatë, shprehet ajo. Sidomos në gjysmën e parë. Por aty nga gjysma e rrugës po bëhej gjithnjë e më e vështirë aq sa po mendoja se nuk do ia dilja dot. Por ia që në fund arrita t'ia dal mbanë dhe ishte një shpërblim shumë i këndshëm për mua" ka përfunduar Harriette.
