ELBASAN - Ambasadori i OSBE-së dhe ambasadori i Sllovakisë kanë vizituar Bashkinë dhe qendrat sociale në Elbasan.<br /><br />Gjatë vizitës janë inspektuar qendrat sociale ndërsa është folur për binjakëzime dhe mundësinë e projekteve për problemet sociale të qytetit.<br /><br />Ambasadori i OSBE-së Florian Raunig dhe ambasadori Sllovak, Milan Ciganik zhvillojnë një takim me kryetarin e Bashkisë së Elbasanit për të parë mundësitë e bashkëpunimit për përmirësimin e shërbimit në qendrat sociale të qytetit.<br /><br />Kreu i Bashkisë së Elbasanit, ka njohur ambasadorët edhe me reformën territoriale dhe decentralizmin e kompetencave të pushtetit vendor.<br /><br />"Më interesantja është kujdesi që tregojnë ambasadorët për problemet sociale të qytetit dhe vizitën që do të bëjnë në Elbasan për t'u njohur nga afër me punën e bashkisë për çështjet sociale, por edhe me hallet e problemet e këtij qyteti."-tha Qazim Sejdini.<br /><br />Gjatë vizitës ambasadorët u njohën me problemet sociale të Elbasanit për të parë mundësinë e bashkëpunimit dhe të projekteve të përbashkëta. <br /><br />"Sot kemi ardhur për të shikuar 3 qendrat sociale që merren me problemet sociale të qytetit. Po shikojmë se si është gjendja pasta do vendosim më tutje bashkëpunimin"-tha ambasadori i OSBE-së, Florian Rauning.<br /><br />"Ndoshta do të jetë një fillim i bashkëpunimeve bilaterele midis qyteteve të Sllovakisë dhe Elbasanit apo dhe qyteteve të tjera të Shqipërisë, por edhe duke qenë një shtet pjesëmarrës i OSBE-së për të parë punën e saj në Shqipëri"-tha ambasadori i Sllovakisë, Milan Ciganik<br /><br />Të shoqëruar nga kreu i Bashkisë, dy ambasadorët kanë vizituar edhe qendrën sociale të komunitetit Rom në Elbasan.
