TIRANE - Majmuni Iva do të jetë risia e A1 Report dhe protagonisti i vërtetë i Botërorit Brazil 2014 që do të japë parashikimet e tij 'të goditura' lidhur me fituesin e çdo sfide të evenimentit më të madh futbollistik.<br /><br />Parashikimet e tij ai i fillioi që sot për sfidën Brazil-Kroaci, në emisionin më të ri në A1 Report "Pasdite me Botërorin", nën moderatorët Andi Kapxhiu dhe Dorina Mema, i cili startoi që sot dhe do jetë çdo ditë nga ora 16:30-18:00. Megjithatë parashikimin e sotëm të bërë nga majmuni Iba do të mund ta ndiqni nesër në takimin e rradhës së "Pasditë me Botërorin".<br /><br />Iva do të zgjedhë çdo ditë bananen e tij të preferuar duke zgjedhur kështu dhe ekipin fitues të çdo sfide të këtij Botërori. <br /><br />E kush më mirë se braziliani Iva e di më mirë fituesin e çdo sfide të këtij spektakli futbollistik. Jo më kot ai ka zgjedhur që këtë botëror ta kalojë në A1 Report dhe jo në Brazil. <br /><br />Megjithatë krahas Ivës në emision do të jenë të ftuar edhe të ftuar të shumtë që do të behen pjesë e këtij emisioni nëpërmjet opinioneve dhe analizave për ndeshjet e futbollit dhe skuadrat pjesmarrëse në botëror. Të ftuarit e përhershëm do të jenë gazetari sportiv Lirim Zalla si dhe aktori dhe skenaristi Bujar Kapexhiu. Sot, në puntatën hapëse, krahas Zallës e Kapexhiut ishte i ftuar ish-drejtuesi i Tiranës Alban Tafaj,<br /><br />"Pasdite me Botërorin" do të jetë çdo ditë Live, në ekranin e A1 Report nga ora 16:30-18:00 përgjatë të gjithë Brazil 2014 dhe bashkë me të edhe parashikimet 'e goditura' të majmunit Iva.
