Mirditë- Armët marrin të tjera jetë.<br />Një- 50 vjeçar nga Gjakova ka vrarë nga pakujdesia, me armë gjahu bashkëshorten e tij si dhe ka plagosur mbesën e kësaj të fundit.<br />Më pas në gjëndje të tronditur ka tentuar t'i japë fund vetes duke u prerë me thikë në fyt.<br />Vrasja ndodhi në orët e para të ditës së sotme në fshatin Konaj të Komunës Fan në Mirditë, në banesën e prindërve të bashkëshortes.<br />Gjakovari mik te familja e gruas<br />Viktima Prena Marku dhe Ndue Bisaku, 52 vjeç ishin të martuar dhe prej vitesh jetonin në Gjakovë, ndërsa mbrëmjen e djeshme kishin shkuar për festë tek familja e prindërve të Prenës në fshatin Konaj.<br />Po pastronte armën e gjahut <br />Nga hetimet e para është bërë e ditur se ngjarja e rëndë ka ndodhur nga pakujdesia, teksa 52-vjeçari Bisaku po pastronte çiften e vjehrrit të tijë brenda në banesë.<br />Në momentin kur arma është marrë në dorë nga ai kishte patur një fishek tek gryka pa dijeninë e tijë dhe ai e ka shkrehur, duke qëlluar bashkëshorten dhe mbesën e saj, 17 vjeçe Rezarta.<br />Në momentin kur ka ndodhur ngjarja brenda në dhomë nuk ka patur persona të tjerë, por pasi kanë dëgjuar krismën e armës kanë hyrë brenda në dhomë.<br />Tenton të vetëvritet <br />Pas këtij momenti ai ka tentuar të vrasë vetën, duke duke përplasur kokën disa herë në mur, dhe më pas ka marrë thikën duke prerë qafën.<br />Kanë qenë familjarët e tjerë të cilët kanë ndërhyrë duke i dhënë ndihmën e parë atij, pasi nga ky veprim ka mbetur i plagosur rëndë. Ai është dërguar me urgjencë në spitalin e Rrëshenit nga ku është bërë e ditur se nga plagët e marra ai ndodhet në gjendje të rëndë për jetën.<br />Policia e Mirditës ka nisur hetimet për krimin e rëndë. Pas ekspertizes së kryer policia bëri të ditur se 40-vjeçarja ka gjetur vdekjen menjëhershme nga plagët e marra në gjoks, ndërsa mbesa e saj ka marrë një plagë në këmbën e majtë dhe tashmë ndodhet jashtë rreziku për jetën.<br />Në lidhje me ngjarjen policia bëri të ditur se ka shoqëruar disa familjarë, për të mësuar më tepër rreth rrethanave të saj.<br />Viktima Prena Marku dhe Ndue Bisaku, 52 vjeç ishte e martuar prej vitësh në Gjakovë, ndërsa mbrëmjen e djeshme kishin shkuar për festë tek familja e saj në fshatin Konaj bashkë me bashkëshortin e saj.<br />Për më shumë klikoni në http://www.oranews.tv/
