RAHOVEC- Është vrarë në Rahovec pas mesnate në Kosovë, kandidati për deputet i PDK-së, Elvis Pista. Policia e Kosovës ka bërë me dije se ekzekutimi është bërë me aermë zjarri me silenciator nga një distancë prej 5 metrash. Atentati ka ndodhur në Rahocev rreth orës 00:45 min në oborrin e një restoranti, teksa Elvis Pista po festonte ditëlindjen e bashkëshortes së tij, e cila mësohet të jetë 5-muajshe shtatzënë.<br /> <br />Në vendin e ngjarjes janë gjetur 4 gëzhoja plumbash dhe një këpucë, e cila besohet të jetë të autorit.<br /> <br />Ndërkohë, ceremonia e varrimit është kryer pasditen e sotme, ku miq e të afërm të tij e kanë cilësuar humbjen e Pistës mjaft të madhe.<br /> <br />Elvis Pista kishte garuar dhe fituar për deputet i PDK në Prizren. Ai pritej të merrte mandatin e deputetit me certifikimin e rezultatit të zgjedhjeve.<br /> <br />Aktualisht atentatorët mbeten të panjohur për policinë, e cila ka nisur hetimet dhe ngritur postblloqe në gjithë zonën për kapjen e tyre. Për vrasjen e politikanit, i cili cilësohej si mjaft karizmatik dhe njihej për modelin e veçantë të flokëve, kanë reaguar krerët e institucioneve kryesore, si edhe politikanët që e njihnin nga afër.<br /> <br />Hashim Thaçi, i cili e kishte mik të afërt ka bërë thirrje për arrestimin e autorëve, ndërsa Presidentja e Kosovës Atifete Jahjaga kërkoi zbardhjen e plotë të ngjarjes dhe vënien e autorëve para drejtësisë.<br /> <br />Vrasja e deputetit Elvis Pista është pasqyruar edhe në mediat e Huaja. Prestigjiozja "Wall Street Journal" shkruan se vrasja e "politikanit me frizurë karakteristike" vjen pas një tensioni mes partive rivale pas zgjedhjeve të 8 qershorit.<br /><br />Policia e Kosovës ofron 10 mijë euro shpërblim për qytetarët që ofrojnë informacione për vrasjen e Pistës<br />Policia e Kosovës apelon tek të gjithë qytetarët që mund të kenë ndonjë njohuri sado të vogël rreth vrasjes së Elvis Pistës, që të jenë bashkëpunues.<br /><br />Madje PK, ofron një shpërblim prej dhjetëmijë eurosh për cilindo qytetar që jep informacione që mund të shpien në zbardhjen e rastit.<br /><br />Njoftimi i plotë i Policisë së Kosovës:<br /><br />Sot ( 15.06.2014 ) rreth orës 00:45 min. në qytetin e Rahovecit ka ndodhur një rast vrasje e rendë, viktimë ne këtij krimi është Elvis Pista nga Rahaveci.<br /><br />Vrasja ka ndodhur nërrugën e UÇK-se saktësisht te parkingu i restorant Jaha Petrolderisa viktima me disa të njohur ishte duke dalë nga objekti i këtij restoranti. Bazuar ne hetimet preliminare ndaj viktimës është qëlluar nga mbrapa me armë zjarri në një distancë rreth pesë metra largësi.<br /><br />Sipas gëzhojave të cilat janë gjetur në vendin e ngjarjes besohet se arma është e kalibrit të vogël dhe mund të ketë pasur "shurdhues" të zhurmës. Policia e Kosovës apelon tek qytetarët që mund të kenë ndonjë njohuri sado të vogël rreth rastit ta ndihmojë policinë me informacione për gjetjen e autorit të vrasjes.<br /><br />Policia e Kosovës ofron një shpërblim prej 10.000 euro(dhjetëmijë euro) për cilindo qytetar i cili mund të jep informacion të cilat shpien ne zbardhjen ose zbulimin e këtij rasti.<br /><br />Qytetarët të cilët ka...
