Kryeministri Edi Rama ka konfirmuar vizitën e Papa Françeskut në Shqipëri më 21 shtator. Duke folur nga muzeu Arkeologjik i Durrësit, Kryeministri Rama tha se vizita e Atit të Shenjtë në tokën shqiptare është një ogur i mrekullueshëm që vjen në prag të vendimit të BE-së për marrjen e statusit kandidat.<br /> <br />Rama shtoi se vizita e Papa Françeskut në Shqipëri është një vizitë për të gjithë Ballkanin, jo vetëm shqiptarë, pa dallim feje. Në Europë përmes Shqipërisë<br /> <br />"Këtë vit, 100 vjet pas luftës parë botërore Papa Françesku do të vijë në Tiranë. Por kjo e Atit të Shenjtë nuk është një mesazh për ne por për mbarë Europën, sepse të gjithë kemi nevojë për njëri-tjetrin. Gjatë bisedës me të në Vatikan ne folëm për Shqipërinë që nga periudha komuniste e deri tek sfidat e sotme të Shqipërisë në rrugëtimin evropian. Prandaj edhe zbritja e afërt e këtij njeriu të rralë është një vizitë për gjithë shqiptarët dhe banorët e Ballkanit pa dallim feje. Unë besoj se edhe lajmërimi sinkron sot nga Durrësi këtu dhe nga sheshi Shën Pjetri në Romë i kësaj vizite të rrallë është një ogur i mbrekullueshëm në prag të vendimit që BE-do të marrë për statusin e vendit tonë." u shpreh Rama<br /><br />Duke i uruar mirëseardhjen Kreut të Katolicizmit dhe mirënjohjen e tij për pranimin e ftesës së bërë nga Rama, kryeministri i Shqipërisë tha se pritja e tij do të jetë ashtu siç shqiptarët e kanë traditë mikpritjen<br /> <br />"Prandaj në emër tuaj i shpreh mirënjohjen Atit të Shenjtë për përmbushjen e dëshirës që unë i shpreha për ta mirë pritur në Shqipëri. Le ta mirëpresim Atin e Shenjtë siç ne e kemi traditë.Në fund dua ta mbyll me një urim: Zoti e bekoftë gjithmonë kështu Shqipërinë!" theksoi Kryeiministri<br /><br />Konfirminin për vizitën e tij në Shqipëri më 21 shtator, Ditën Botërore të Paqes, Papa Françeksu e ka bërë ai personalisht ditën e sotme nga sheshi Shën Pjetri në Romë. Kjo është vizita e parë e Papës në një vend të Europës.
