Lushnje-Myslim Murrizi është shpallur fituesi i kreut të ri të Partisë Demokratike për qytetin e Lushnjes. Murrizi u shpall fitues me 211 vota. Në garën e cila u zhvillua sot ishin edhe dy kandidatë të tjerë Nevila Bami, dhe Pandeli Boçi.<br />Por procesi është kundërshtuar nga disa anëtarë të Partisë Demokratike të cilët e kanë quajtur këtë si një proces farsë pasi sipas tyre janë tërhequr nga gara dy ditë më parë dy kandidatë dhe janë zëvendësuar me të tjere.<br />Ne gare ishin tre konkurente, Nevila Bami, Myslim Murrizi dhe Pandeli Boçi. Proçesi i votimit është paraprirë nga takimi në sallën e kinoteatrit "Vaçe Zela" ku ka qenë i pranishëm dhe Kreu i PD Lulzim Basha. E pasi ka nisur dhe votimi ku në bazë të votës së përfaqësuesve të kesaj force nga 331 vota 211 i ka marrë Myslim Murrizi, 59 Pandeli Boçi dhe 58 Nevila Bami, tre te pavlefshme.<br />Mak Shehu, anëtar i Këshilit i Bashkiak Lushnje, njëkohësisht anëtar i PD shprehet se kreu i ri është xhaketë e vjetër dhe proçesi farsë është i përgatitur nga ana e koordinatorit të kryesisë së PD Fatbardh Kadilli.<br />I zgjedhur me shumicën dërmuse të votës së përfaqësuesve të PD Lushnje zoti Murrizi i pyetur në lidhje me akuzat shprehet se është anëtar i PD që në 8 dhjetor dhe se nuk e njeh akuzuesin.<br />Për më shumë klikoni në http://www.oranews.tv/
