Gjirokastra dhe Berati nuk do të jenë më në listën e trashëgimisë botërore në rrezik. Lajmi u konfirmua nga ministrja e Kulturës Mirela Kumbaro, e cila në një dalje për mediat tha se falë menaxhimit të mirë të dy qyteteve turistike në dy vitet e fundit, në sesionin e 39 te Komitetit të trashëgimisë botërore që po zhvillohet në Bon të Gjermanisë është vendosur që Gjirokastra dhe Berati të mos jenë më në listën e Trashëgimisë botërore në rrezik.<br /><br />Sipas Kumbaros, në përgjigje të rezolutës së UNESCO-s, e cila kërkon hartimin dhe miratimin e projektligjit për Trashëgiminë kulturore, qeveria shqiptare pritet që ta paraqesë atë brenda muajit korrik.<br /> <br />Kumbaro gjithashtu shtoi se në dhjetor të 2015 qeveria shqiptare do të dërgojë pranë Komitetit të Trashëgimisë botërore , raportin e radhës të monitorimit të Gjirokastrës dhe Beratit, i cili do të përmbajë një inventar në masën 100 % të të gjitha monumenteve kulturore.<br /> <br />Gjirokastra dhe Berati ishin vënë nën monitorim të rreptë nga UNESCO-s për shkak të ndërtimeve ilegale, të cilat po çonin në degradim dy qendrat historike.<br /><br />Njoftimi i plotë i Ministrisë së Kulturës <br />Sesioni i 39 i Komitetit të Trashëgimisë Botërore të UNESCO-s zhvillohet në Bon, Gjermani në datat 28 Qershor ? 8 Korrik.<br /> <br />Komiteti kryesohet nga Prof. Maria Böhmer, Ministre e Shtetit e Republikës Federale të Gjermanisë për çështjet e kulturës dhe të edukimit.<br /> <br />Gjatë këtij sesioni Komiteti i Trashëgimisë Botërore diskutoi Raportin e fundit të Gjendjes së Konservimit (SoC) të Qendrave Historike të Gjirokastrës dhe Beratit (site të regjistruara në Listën e Trashëgimisë Botërore të Unescos), paraqitur nga Shteti Shqiptar në Shkurt 2015.<br /> <br />Ky tip raporti ndryshe nga raportet periodike është pjesë e bashkëpunimit ad hoc që Ministria e Kulturës dhe Instituti i Monumenteve të kulturës zhvillon me UNESCO-n që nga vjeshta 2013 për shkak të gjendjes së degraduar të monumenteve në vitet e shkuara.
