Ministri i Financave, Shkëlqim Cani ka paraqitur projektligjin për zgjidhjen me mirëkuptim të marrëveshjes për dhënien me koncension të shërbimit të skanimit të kontenierëve në dogana, miratuar në vitin 2013.<br /> <br />Ky koncesion që iu dha kompanisë "Rapiskan System Inc", u kundërshtua nga biznesit për shkak të tarifave të larta. Cani u shpreh gjatë diskutimeve në komision se, negociatat me kompaninë nuk shkuan mirë por çështja u zgjidh para se Gjykata e Arbitrazhit të shprehej.<br /> <br />?Nga bisedimet e dyta u arrit që të negociohej jetëgjatësia e koncesionit. U ra dakord për një çmim fiks, ku pala amerikane në krye të 15 viteve do të marrë një shumë të caktuar dhe u fiksua që në vitin e parë të punës pala amerikane të marrë 11.3 milionë dollarë në vit?, u shpreh Cani gjatë diskutimeve në Komisionin e Ligjeve..<br /> <br />Në fund, të afatit të koncesionit kompania do të marrë një shumë prej 200 milionë euro. Ministri i Financave u shpreh gjithashtu se, bizneset do të paguajnë më pak për deklarata doganore, nga 39 euro në 22. Për deklarata nën 1000 euro do paguajnë vetëm 5 euro.<br /><br />Deputeti i PD-së, Arben Ristani gjatë diskutimeve në komision tha se qeveria shqiotare ka paguar 500 mijë euro për kompanisë e bashkëshortes së ish-kryeministrit britanik, Toni Bler.<br /><br />Bashkim Fino ka ndërhyrë duke thënë se opozita duhet të jetë e intereduar për kursimin e 180 milionë eurove nga rishikimi i koncensionit.<br /><br />Cani ka ndërhyrë duke thënë se, në marrëveshjen e parë u gabua me afatin e kontratës.<br /><br />Ndërsa, Eduard Halimi ka ironizuar deklaratën e Ramës në vitin 2013 kur u firmos kjo kontratë, kur tha se do ta anulonte.<br /><br />Fino tha se kontrata e qeverisë ?Berisha? ishte abuzive dhe i kërkoi kthimin e kontratës. ?Unë jam për ta kthyer kontratën dhe të paguajmë gjobën 360 milionë euro.<br /><br />Ju ministër jeni i vonuar që nuk keni dërguar dosjen në prokurori?, u shpreh Fino.<br /><br />Edhe kreu i komisionit të ligjeve Fatmir Xhafaj deklaroi se nuk mbështet dhënien e një koncensioni të tillë.<br /><br />Pavarësisht kësaj, në fund të diskutimeve projektligji u miratua ku Halimi dhe Bylykbashi abstenuan ndërsa Ristani votoi kundër.
