Subscribe në Ora News këtu http://bit.ly/1s5j7UT<br />Në vigjilje të vizitës se kancelares gjermane në Shqipëri, Angela Merkel, autortitetet e larta nxituan të shtrojnë udhën e pritjes, në kahun ku vizita do të dominojë më shumë.<br />Tashmë që është zbuluar se teme e rendësishme e bisedimeve do të jenë çështjet ekonomike, është krejt e kuptueshme se pse Kryeministri dhe kryetari i ri i Bashkisë nxituan të promovojnë me ceremoni pompoze disa investime gjermane në vend.<br />I pari një sipërmarrje gjigande gjermane,Tirana Biznes Park, në afërsi te aeroportit të Rinasit.<br />Rama: ?Së pari, më lejoni të shpreh kënaqësinë që duhen pak minuta nga Tirana për të ardhur në Gjermani. Faleminderit që na keni sjellë një copë Gjermanie, në Vorë!?<br />Por Rama natyrisht ishte krejt i qartë dhe e dinte se rruga e këtij investimi 100 milionësh, që i kishte shkurtuar rrugën atij dhe mjaft të tjerëve për në Gjermani, kishte qenë e gjatë dhe e mundimshme, por shfrytëzoi rastin të përjashtojë qeverinë e tij nga libri i barsaletave që kishte vendosur investitori të shkruajë mbi peripecitë.<br />Rama: ?Unë i mora leje Ambasadorit nëse mund ta thosha dhe pasi mora leje nga Ambasadori gjerman që kjo është e vërtetë, po e them me shumë kënaqësi, ? që në atë librin e barsaletave që zoti.Ulmer tha se mund të shkruhej me gjithë aventurën shumëvjeçare të kësaj sipërmarrje në labirintet e burokracisë, qeveria shqiptare nuk është pjesë e barsaletave. Pra, ne kemi bërë gjithçka kemi mundur që ta ndihmojmë kompaninë të zgjidhë të gjitha nyjet, të cilat ishin bërë pengesë për të realizuar fillimin dhe vazhdimin normal të këtij investimi?.<br />Një javë shumë e rëndësishme ajo që lamë pas për të evidentuar raportet tregtare mes Shqiperise dhe Gjermanisë.<br />Një ditë pas përurimit të biznesit familjar Tirana Biznes Park u përurua edhe hapja e degës shqiptare të kompanisë ?Forschner?, një nga emrat më seriozë gjermanë në fushën e prodhimit të pajisjeve elektrike, e cila do të punësojë deri në 1 mijë punëtorë.<br />Por a mund te zbehin inagurimet e minutës së fundit shqetësimet dhe mundimet disa vjeçare të biznesit gjerman në Shqipëri?<br />Një prej tyre u pasqyrua pak kohë më parë edhe në një të perditshme gjermane që shkruante: ?Një ndermjetës gjerman nuk pranon të paguajë rushfet, skelën e tij në portin e Durrësit e ka zënë një kompani tjetër. Si është e mundur që kjo të ndodhë në një vend si Shqipëria që pret të aderojë në BE??<br />Dhe menjëherë pas këtij shqetësimi si dhe në prag të vizitës së Kancelares gjermane në Shqipëri, mosmarrëveshjet duheshin sheshuar dhe autoritetet e Portit të Durrësit nisën bisedimet me kompaninë gjermane EMS për të gjetur një zgjidhje.<br />Për më shumë klikoni në http://www.oranews.tv/vendi/shqiperia-ka-perfituar-rreth-1-miliard-euro-ne-dy-dekada-nga-investimet-gjermane/
