Subscribe në Ora News këtu http://bit.ly/1s5j7UT<br />Një video skandaloze po qarkullon në rrjetet sociale, ku shfaqet hapur dhuna e ushtruar nga edukatoret e Shtëpisë së Fëmijës në Shkodër.<br />Video është bërë publike fillimisht nga një emision investigativ në një nga televizionet kombëtare, për të qarkulluar më pas në rrjetet sociale bashkë me reagimin e shoqërisë civile.<br />Në dy video shfaqet qartë një edukatore e cila dhunon në mënyrë çnjerëzore fëmijët e moshës 3-6 vjeç.<br />Edukatorja njëherë shfaqet duke dhunuar fëmijën dhe njëherë duke u ulur në prehrin e të voglit edhe pse ai vazhdon të qajë.<br />Ende nuk ka një reagim të Ministrisë së Arsimit, edhe pse video ka disa orë që qarkullon në media.<br />Vetëm pak momente më parë ka reaguar për Ora News, Shërbimi Social Shtetëror, sipas të cilit edukatorja do të pushohet menjëherë nga puna dhe do të çohet për ndjekje penale.<br />Fill me pas drejtorja e Shtëpisë së Fëmijës Parashkollor Shkodër, Anjeza Gjeluci, ka njoftuar shkarkimin e tre punonjësve që shfaqen në video.<br />Ata janë Edvana Sulaj, Manjola Banishta e Albert Rekaj.<br />Për më shumë klikoni në http://www.oranews.tv/vendi/video-skandal-ja-si-dhunohen-femijet-e-jetimores-ne-shkoder-reagon-shssh/
