ELBASAN - Prishja i tubacionit të ujit për vaditje në Kuqan të Elbasanit është kthyer në shqetësimin kryesor të fermerëve si dhe të drejtuesve të automjeteve.<br /><br />Dëmtimi i këtij tubacioni rrezikon të thajë 80 hektarë me kultura bujqësore në periudhën më të nxehtë ku vaditja është jetike.<br /><br />Teksa tubacioni kalon poshtë rrugës nacionale, uji ka dëmtuar rëndë aksin rrugor Elbasan-Cërrik duke sjellë probleme serioze në qarkullimin e automjeteve që çdo ditë përballen me rrezikun e dëmtimit të automjeteve.<br /><br />Banorët e fshatit dhe drejtuesit e automjeteve shprehen se gjendja vazhdon të rëndohet nga dita në ditë dhe çdo minutë e humbur është me pasoja si për bujqësinë ashtu edhe për qarkullimin.<br /><br />Drejtori i Bordit të Kullimit në Elbasan Astrit Xhelili shprehet se janë marrë të gjitha masat për ndërhyrje nga ky bord edhe pse kanalet vaditëse janë pronë e shoqatave të vaditjes dhe pritet përgjigje nga policia për ndalimin e qarkullimit dhe nga autoriteti kombëtar i rrugëve.
