VLORË - Një automjet ka shpërthyer teksa ka qenë në lëvizje në dalje të fshatit të Panajasë në Vlorë.<br /> <br />Ende nuk dihen shkaqet e shpërthimit, por konfirmohet se kanë mbetur dy të plagosur rëndë të cilët janë transportuar për në Spitalin e Vlorës.<br /><br />Nga të dhënat e para mësohet se automjeti i cili ka shpërthyer është me targa DR 8135 E, ndërsa të plagosurit janë një vajzë e një djalë nga qyteti i Durrësit.<br /><br />Nga dëshmitë e mbledhura, por edhe nga provat rrethanare të shpërthimit, policia dyshon se kanë të bëjnë me shpërthim me eksploziv. <br /><br />Nga ajo çfarë mund të dallohet edhe me sy të lirë nga vendngjarja dallohet se motori i makinës është shkëputur nga automjeti i cili ka dalë nga rruga pas shpërthimit.<br /><br />Sipas dëshmive të dhëna nga drejtues të automjeteve të tjerë që ishin pas makinës e cila ka shpërthyer, bateria e mjetit me targa DR 8135 E ka "fluturuar" në ajër. <br /><br />Dy të rinjtë e plagosur janë dërguar në spitalin e Vlorës nga automjete të rastit.
