LAZARAT - Efektivi i RENEA-s Ibrahim Basha i cili humbi jetën në Lazarat mund të jetë vrarë me armë të rëndë mitraloz. Është ky përfundimi i arritur deri në këtë fazë të hetimeve nga prokurorët e Krimeve të Rënda dhe Policia e Shtetit të cilët në grupin e armëve të sekuestruara më 3 korrik të këtij viti (9 ditë pas vrasjes nga grupi i armatosur), kanë identifikuar pikërisht mitralozin model Gulinov si armën që dyshohet t?i ketë marrë jetën specialit.<br /><br />Burime për A1Report nga grupi hetimor thanë se me këtë armë janë bërë një sërë eksperimentesh dhe ka rezultuar se dëmtimet që plumbi i saj lë, janë të njëjtat me ato që ka pësuar dhe efektivi i RENEA-s Basha më 24 qershor.<br /><br />Deri në këtë fazë të hetimeve dyshimet ishin për një armë snajper, por ekzaminimet laboratorike dhe ato shkencore me anë të qitjes kanë provuar ngjashmërinë e gjurmëve të lënë në trupin e Bashës me ato të mitralozit të rëndë. <br /><br />Hetuesit bënë me dije se brenda pak ditësh pritet që në një batalion qitje të bëhet dhe një eksperiment me Arbjon e Alban Alikon dy vëllezërit e dyshuar për përdorimin e kësaj arme, çka do të hidhte drite mbi përfshirjen apo jo të tyre në vrasjen e policit.<br /><br />Deri në këto momente nga 80 armë të sekuestruara nga policia eksperimentet balistike kanë përfunduar për 20 prej tyre dhe janë në pritje dhe rezultatet për 60 armët e tjera mes tyre automatik dhe pushkë.
