Ministri i Jashtëm grek, Nikos Kotzias pas takimit me homologun e tij shqiptar, Ditmir Bushati është pritur nga Presidenti i Republikës Bujar Nishani, Kryetari i Kuvendit Ilir Meta, Kryeministri Edi Rama dhe kreun e opozitës, Lulzim Basha.<br /><br />Në takimin në presidencë, Nishani kërkoi nga ministri grek zgjidhjen e të gjitha çështjeve që qëndrojnë në agjendën e ngjeshur dypalëshe. Në këtë kuadër, Nishani ripërsëriti kërkesën për abrogimin e Ligjit të Luftës në Parlamentin grek, ku edhe pse palët kanë rënë dakord se përbën një absurd e nulitet politik, ai mbetet një akt ligjor i pashfuqizuar.<br /><br />Presidenti ngriti dhe shqetësimin e komunitetit çam në lidhje me mohimin e të drejtave të tyre, përfshirë ato pronësore, në përputhje me të drejtën ndërkombëtare, por edhe duke konsideruar se kjo do të çlironte energji tejet pozitive në marrëdhëniet mes dy vendeve.<br /><br />Edhe në takimin me kreu e Kuvendit, u diskutua për zgjidhjen e çështjeve të pazgjidhura të trashëguara. Kotzias tha se Greqia ka vullnetin për zgjidhjen e të gjitha çështjeve të diskutueshme. <br /><br />Ndërsa në takimin me liderin e opozitës, Basha kërkoi abrogimit të Ligjit të Luftës, pasi përbën një pengesë juridike për shqiptarët që kanë dhe duan të kërkojnë të drejtat e pronësisë në Greqi.
