SHKODËR - 1 e vdekur dhe dy të plagosur është bilanci i një aksidenti rrugor të rregjistruar orët e para të mëngjesit në Shkoder.<br /><br />Mësohet se në afërsi të Urës së Bahçallëkut në dalje të qytetit një automjet me targa AA461GV është përplasur më një mjet me targa AA685AN.<br /><br />Përplasja e 2 mjeteve ka qenë e fortë duke bërë që të zvarriteshin disa metra dhe duke goditur 3 persona që ishin në anë të rrugës në pritje të urbanit. <br /><br />Sipas burimeve policore dhe dëshmitarëve në vendngjarje, mësohet se 76 - vjeçarja me iniciale H.M ka tentuar të shpëtojë nipin e saj 7- vjeçar duke e marrë në mbrojtje kur edhe është përplasur nga automjeti. <br /><br />76 - vjeçarja ka ndërruar jetë në spitalin e Shkodrës duke mos i shpëtuar plagëve të marra, ndërsa nipi i saj ka mbetur i plagosur lehtë . <br /><br />E plagosur ka mbetur edhe një 30 - vjeçare që ndodhej aty pranë. Mësohet se dy të plagosurit janë dëruar në spitalin e shkodrës.<br /><br />Në vëndngjarje po kryhen veprimet me grup hetimor, drejtuesit e mjeteve janë shoqëruar në Komisariatin e Policisë për veprime të mëtejshme, ndërsa shkak i aksidentit dyshohet se është shpejtësia më të cilën qarkullonin mjetet.
