KRUJË- Kurora e pyjeve në Krastë të Krujës është përfshirë nga flakët e zjarrit mesditën e sotme, ndërsa pranë vatrës ndodhet edhe ish depoja e raketave.<br /><br />Pak minuta pas përhapjes së vatrës së zjarrit janë dëgjuar disa shpërthime që mendohet se janë të predhave luftarake të mbetura në pyll ndër vite. <br /><br />Zjarrfikëset kanë mbërritur në vendngjarje dhe kanë nisur punën për vënien nën kontroll të flakëve, ndërsa jeta e punonjësve ka qenë e rrezikuar nga shpërthimet.<br /><br />Pranë vatrës së zjarrit nuk ka banesa, ndërsa puna e zjarrfikësve është përqendruar për pengimin e flakëve drejt depos ushtarake.<br /><br />Disa hektarë pyje kryesisht pisha janë shkrumbuar nga flakët e zjarrit.<br /><br />A1 Report sjell pamje nga vatra e zjarrit, ndërsa prefekti I Durrësit, Roland Xhelili, në një lidhje telefonike për A1 Report pohon se po punohet për vënien nën kontroll të flakëve.<br /><br />Xhelili pohoi se është evident rreziku i shpërthimit të predhave të mbetura aty ndër vite.<br /><br />Terreni i thyer malor dhe era kanë favorizuar përhapjen e zjarrit, ndërsa puna është përqendruar për neutralizimin e flakëve dhe zbardhjen e shkaqeve të rënies së zjarrit.
