DELVINE - Dy të rinj humbën jetën dhe tre shokë të tyre të cilët ishin nisur për kalçeto mbetën të plagosur, pasi makina me të cilën udhëtonin doli nga rruga në aksin Vllahat-Bamatat në Delvinë dhe u perplas me murin rrethues te nje banese.<br /> <br />Shpejtësia tej normave të lejuara të qarkullimit rrugor është bërë shkak për përplasjen fatale të makinës. Për pasojë humbën jetën, Tahir Vaja 16-vjeç dhe Naim Duka 18-vjeç, ky i fundit ishte dhe drejtuesi i mjetit të aksidentuar me targë SR 7362 B.<br /><br />Tre djemtë e tjerë, 18-vjeçari Ergus Vaja, Edlir Çaushaj 17-vjeç dhe Adil Duka 14-vjeç të cilët u transportuan me urgjencë drejt Spitalit Ushtarak të Tiranës ku ndodhen nën kujdesin intensiv të mjekëve. <br /><br />Të pestë djemtë ishin nisur nga fshati Rusam për të luajtur klaçeto në fshatin Bamatat.<br /><br />Nga fotot qe sjell A1 Report dallohet se pikerisht ne vendin ku eshte perplasur makina ndodhet tabela qe kufizon shpejtesine deri ne 40 kilometra ne ore.
