Preferojnë qetësinë dhe sigurinë ndaj kanë përzgjedhur plazhin e Nartës në bregdetin e Vlorës për të kaluar pushimet verore.<br /><br />Numri i vizitoreve në këtë destinacion po njeh rritje çdo vit, ndërsa punimet në infrastrukture dhe puna e pushtetit vendor për një vijë bregdetarë të pastër kanë dhënë frytet e veta.<br /><br />Uji i kristaltë i detit, rëra kurative janë arsyeja kryesore pse pushues vendas dhe të huaj zgjedhin këtë bregdet për të luftuar temperaturat e larta.<br /><br />Pamjet e fokusuara nga kamera e televizionit A1 Report përgjatë kësaj vije bregdetare nuk kanë nevojë për shumë koment.<br /><br />Pushues e turistë ditor të grupmoshave të ndryshme janë vizitorë të plazhit të Nartës, i cili ndryshe nga destinacionet e tjera përgjatë bregdetit të Vlorës është më i qete.<br /><br />Tjetër specifikë e kësaj vije bregdetare janë edhe pishat aq të dëshiruara nga vizitorët që përveç ujit të detit dhe cadrave gjejnë dhe një tjetër strehë për t?ju fshehur rrezeve të diellit.<br /><br />Gastronomia si në çdo destinacion turistik luan një rol pozitiv në rritjen e numrit të vizitorëve.<br /><br />Prodhimet e detit janë kryefjalë e tavolinave të restoranteve, pronarët e të cilave kanë investuar shumë edhe në rritjen e cilësisë së shërbimit.<br />Efekte <br /><br />Siguria është një tjetër element pozitiv që ka ndikuar në rritjen e numrit të vizitoreve në këtë aset turistik.<br /><br />Pushues të rinj e të vjetër rrëfejnë për A1 Report arsyet se përse kanë përzgjedhur këtë destinacion.<br /><br />Ndërkohë ka edhe nga ata pushues që kanë edhe ankesa për plazhin e Nartës.<br /><br />Pushuesit premtojnë së këtë destinacion turistik do tua sugjerojnë edhe miqve të tyre.
