Temperaturat e larta që kanë pushtuar vendin gjatë muajit korrik, kërkojnë një rritje të vëmendjes për sigurinë ushqimore. Problematike ndër vite kanë qenë zonat bregdetare dhe ato turistike, të cilat mbi popullohen.<br /> <br />Për këtë inspektorët e AKU në Shëngjin kanë filluar kontrollet kuzhinat e restoranteve, fast-food, njësitë e prodhimit e tregtimit të akulloreve dhe subjektet që tregtojnë produkte ushqimore në bregdet. <br /><br />Pushuesve në zonat bregdetare të Lezhës u kërkohet që të frekuentojnë bare dhe restorante që janë të kontrolluar duke shmangur tregtarët ambulante. <br /><br />Në Gjirokastër AKU ka vijuar kontrollin në Pikën e Ujit të Ftohtë në Tepelenë për frenimin e abuzimit me cilësinë e mjaltit për konsumatorët. Prej vitesh në këtë pikë turistike tregtohet mjaltë industrial pa e ditur konsumatori se ai nuk ka asnjë vlerë ushqyese duke e blerë atë si mjaltë natyral.<br /> <br />Në këtë monitorim të tretë në këtë zonë u bllokua 150 kg mjaltë industrial, ndërkohë në total sasia e sekuestruar është mbi 1 ton. <br /><br />Sasia e mjaltit e sekuestruar e cila nuk përmbante asnjë dokumentacion pas bllokimit është asgjësuar.
