Trajneri i kombëtares kuqezi, Xhani De Biasi në një intervistë për A1 Report shprehet se grupi ku bën pjesë Shqipëria në eliminatoret e botërorit ?Rusi 2018? është shumë i fortë, por ai thotë se detyra e Shqipërisë është të tregojë kualitet në fushë. De Biasi thekson se, kur ekipi që ai drejton momentalisht do të ndeshjet me Italinë, ai do të bëjë tifozllëk për kuqezinjtë.<br /><br />Mister De Biasi doja një koment të parë nga ju për shortin e Botërorit 2018, pasi luajmë edhe me Italinë tuaj?<br /><br />Po, por luajmë edhe me Spanjën, Izraelin, Maqedoninë dhe Lihtenshtejnin, luajmë me të gjitha këto skuadra jo vetëm me Italinë.<br /><br />Çfarë mendon për grupin... është një grup i fortë?<br /><br />Është një grup shumë i fortë por edhe për faktin se është i tillë kemi detyrën që të tregojmë në fushë gjithë kualitetin tonë thyer parashikimin i cili e sheh Shqipërinë jo të kualifikuar në Botëror.<br /><br />A kemi ndonjë shans për kualifikim?<br /><br />Pikë së pari mungon edhe një vit e gjysmë deri sa të nisi fushata kualifikuese. Në grup kemi skuadra që vitet e fundit kanë fituar Botërorin dhe janë shumë të vështira por ndeshjet duhen luajtur dhe një ndeshje nuk mund të humbet ende pa u luajtur.<br /> <br />Mister kur të luajmë kundër Italisë për kë do bëje tifo De Biasi?<br /><br />Patjetër që do bëj tifo për Shqipërinë.<br /><br />Do jetë De Biasi në pankinën e Shqipërisë për kualifikueset e "Rusi 2018"?<br /><br />Kjo është një pyetje që i duhet bërë zotit Duka që është i vetmi që mund të japë një përgjigje. - See more at: http://shqiptarja.com/sport/2726/--8203-de-biasi-interviste-per-a1-report-tifo-per-kuqezinjte-jo-per-italine-306766.html#sthash.MlXoNHze.dpuf
