TIRANË - Maturantët kanë nisur sot aplikimin për formularin A2 i cili i hap edhe rrugën drejt maturës shtetërore. Të parët që nisin plotësimin e formularit janë maturantët e kryeqytetit. <br /><br />Drejtoresha e shkollës ?Sami Frashëri? në Tiranë, Rajmonda Kanini sqaron në një intervistë për A1Report se interesi i maturantëve për të aplikuar ka qenë tepër i lartë që në orët e para të mëngjesit.<br /><br />?Në shkollën tonë sot ka patur fluks nxënësish që në orët e para të mëngjesit më tepër për informim apo një konfirmim të atij informacioni që ata dinin. Pjesa e nxënësve që kishin aplikuar ishin të kënaqur ishin loguar lehtësisht në portalin e AKP për formularin a2 dhe kishin mundur të kryenin me sukses aplikimin e tyre ndërsa një pjesë tjetër akoma ishin në hezitimin për ta bërë në pritshmërinë duke pyetur dhe një herë pranë shkollës si janë procedurat si të veprojmë.?- tha Kanini.<br /><br />Po ashtu sipas drejtoreshës Kanini maturantët ndonëse janë të lirë që ta plotësojnë ata shkojnë në shkollë për tu konsultuar me mësuesit si dhe për tu siguruar se aplikimi ka qenë i rregullt.<br /><br />?Edhe pse ne nuk jemi të duhurit se cila është dega që ato duhet të zgjedhin të parët i japim gjithë informacionin që ato të bëjnë zgjedhjen e kujdesshme.?- u shpreh Kanini.<br /><br />Po ashtu sipas Kaninit edhe këtë vit trend ii maturantëve në zgjedhjen e degëve të studimit mbetet ai i vitit të shkuar i orientuar drejt shkencave ekzakte.<br /><br />?Dhe pjesa më e madhe e nxënësve të shkëlqyer ekselentë shkojnë pikërisht në fushën e shkencave mjekësore në shkencat e natyrës por kryesisht në matematikë informatike dhe kombinimin e të gjitha lëndëve të matematikës me ekonominë dhe informatikën që janë kombinimet më të preferuara vitet e fundit.?- tha Kanini.<br /><br />Për një javë maturantët në të gjithë vendin do të kenë mundësi të aplikojnë për në universitet duke plotësuar formularin A2 në bazë të rregullores së maturës shtetërore.
