Shqipëria është një vend burimi për trafikimin e burrave, grave dhe fëmijëve, të cilët i nënshtrohen trafikimit seksual dhe punës së detyruar. Shqetësimet ngrihen në raportin e Departamentit Amerikan të Shtetit për trafikimin e qenieve njerëzore.<br /><br /><br />Gjithashtu një nga problemet që evidenton Departamenti Amerikan janë përpjekjet minimale të qeverisë për të eliminuar fenomenin. Kritika të forta janë adresuar edhe ndaj institucioneve për shkallën e lartë të korrupsionit në radhët e policisë.<br /> <br />Ja disa nga shqetësimet e pasqyruara në raportin e DASH për vitin 2015.<br />- Fëmijët shqiptarë i nënshtrohen lypjes së detyruar në vendet e rajonit dhe më gjerë<br />- Disa vajza shqiptare i nënshtrohen të trafikimit seksual apo punës së detyruar pas martesave me shkuesi.<br />- Disa gra të huaja nga vende evropiane, duke përfshirë Ukrainën, Rusin, Mbretërin e Bashkuar, dhe Norvegjin, i nënshtrohen trafikimit të seksit në Shqipëri<br />- Korrupsioni brenda forcave të policisë pengojnë zbatimin e ligjit për trafikimin.<br />- Një anëtar i Parlamentit është dënuar më parë për krime të lidhura me trafikimin.<br />- Qeveria nuk i përmbush plotësisht standardet minimale për eliminimin e trafikimit, megjithatë, ajo po bën përpjekje domethënëse për ta bërë këtë.<br />Departamenti Amerikan i Shtetit ka vlerësuar edhe disa nga përpjekjet e qeverisë shqiptare për zbatimin e ligjit kundër trafikimit, siç është Kodi Penal i Shqipërisë ku parashikohet dënime nga 8-15 vjet burgim.<br /> <br />Qeveria sipas raporit të DASH ndoqi penalisht 18 të pandehur në vitin 2014, një rritje të madhe nga tre të ndjekur penalisht në vitin 2013. Departamenti amerikan i Shtetit i rekomandon shqiptare që tu sigurojë viktimave të trafikimit shërbim mjekësor dhe kujdes të shëndetit mendor falas.<br /> <br />?Qeveria shqiptare të vazhdojë hetimet, të ndjek penalisht dhe të dënojë trafikantët duke përfshirë dhe zyrtarët e lartë që janë të përfshirë. Të inkurajojë viktimat e trafikut për të ndihmuar në ndjekjen penale të trafikuesve?,-rekomandohet në raport.<br /> <br />Shqipëria renditet në shkallën e dytë në raportin e DASH, në të njëjtin nivel si një vit më parë.
