SHKODËR - Aksioni i policisë së Shkodrës për largimin tregtarëve ambulantë që shesin duhan në trotuaret e lagjes ?Rus? ka hasur në kundërshtimin e këtyre të fundit.<br /><br />Tregtarët me pretendimin se nuk kanë asnjë mënyrë tjetër për të siguruar jetesën nuk kanë lejuar fillimisht policinë tu sekuestrojë mallin.<br /> <br />Për pasojë nuk kanë munguar incidentet. Efektivë të policisë janë përplasur ashpër verbalisht me disa prej tregtarëve.<br /><br />Efektivët e policisë më pas kanë vijuar punën për sekuestrimin e mallit. <br /><br />Incidentet mes tregtareve dhe policisë kanë mbledhur kureshtarë të shumtë në një nga rrugët më të frekuentuara të Shkodrës.<br /><br />Tregtarët denoncojnë para kamerave veprimet, sipas tyre arbitrare të policisë së shtetit.<br /><br />Ndërkohë forcat e policisë nuk kanë kursyer sjelljen arrogante ndaj përfaqësuesve të mediave të cilëve u kanë kërkuar të mos filmojnë aksionin.
